Bjorn van Berkel – Vastenaovend belaeve – 12e LVK 2014

partituren vastenaovendbelaeve

Aswoensdig gedaon is
De joeks weggegaon is
Trek ik mich de bôksereem aan
Maonde hârd werke
Wir geld in ut verke
De luxe geijt gans vân de baan
11-11 in de kop
Dât fleurt mich wal op
Ik veul ut, dit jaor wördt wir top!

Um vastenaovend te belaeve
Gaon weej alles gaeve
Zelfs de knip geijt op de kop
En al is ut boéte kalt
Ut seizoen wao ik vân hald
Wermt mich gans vân binne op
Um vastenaovend te belaeve
Gaon weej alles gaeve
Effe gans weg oét de sleur
Kôm ik de vastenavond taegj
Wiej de zôn schient op de raegen
Schuut mien laeve vôl met kleur

D’r môs wât gebeure
Um ‘t thoés op te fleure
Nao daagelang veel ut mich in
Al zien d’r gen slingers
Zeen dât door de vingers
Meziek guf mich wir gôje zin
Ik was, sniej ut graas
zing meij wiej ‘ne dwaas
Asôf ut alwir zoë wiéd waas